Monday, March 9, 2009
പൂന്താനം സാഹിത്യോത്സവം സമാപിച്ചു
15-ാമത്‌ പൂന്താനം സാഹിത്യോത്സവം കീഴാറ്റൂര്‍ പഞ്ചായത്ത്‌ സാംസ്‌കാരിക നിലയത്തില്‍ കെ.പി.ഉദയഭാനു ഉദ്‌ഘാടനംചെയ്‌തു. വി.ശശികുമാര്‍ എം.എല്‍.എ അധ്യക്ഷതവഹിച്ചു. പൂന്താനം കവിതാ അവാര്‍ഡ്‌ അബ്ദുസമദ്‌ സമദാനി കെ.വി.ബേബിക്ക്‌ സമ്മാനിച്ചു. അദ്ദേഹത്തിന്റെ 'ജലരേഖകള്‍' എന്ന കൃതിക്കാണ്‌ അവാര്‍ഡ്‌.അബ്ദുസമദ്‌ സമദാനി പൂന്താനം അനുസ്‌മരണപ്രഭാഷണം നടത്തി. ഏഴാച്ചേരി രാമചന്ദ്രന്‍ സ്‌മാരകപ്രഭാഷണം നടത്തി. പൂന്താനം കവിതകളിലൂടെ വികാര വിമലീകരണമാണ്‌ നടക്കേണ്ടതെന്ന്‌ അദ്ദേഹം പറഞ്ഞു. മേലാറ്റൂര്‍ രാധാകൃഷ്‌ണന്‍, സി.വി.സദാശിവന്‍, കെ.വി.ബേബി, കെ.നാരായണന്‍ തുടങ്ങിയവര്‍ പ്രസംഗിച്ചു. ഉച്ചയ്‌ക്ക്‌ 2.30ന്‌ ആരംഭിച്ച കവിസദസ്സ്‌ കൈതപ്രം ദാമോദരന്‍ നമ്പൂതിരി ഉദ്‌ഘാടനംചെയ്‌തു. മേലാറ്റൂര്‍ രാധാകൃഷ്‌ണന്‍ അധ്യക്ഷതവഹിച്ച സദസ്സില്‍ ഏഴാച്ചേരി രാമചന്ദ്രന്‍, കെ.വി.രാമകൃഷ്‌ണന്‍, പി.പി.കെ.പൊതുവാള്‍, പി.സി.അരവിന്ദന്‍, പി.പി.ജാനകിക്കുട്ടി തുടങ്ങി അമ്പതോളം കവികള്‍ കവിത അവതരിപ്പിച്ചു. സി.വാസുദേവന്‍, എസ്‌.വി.മോഹനന്‍ തുടങ്ങിയവര്‍ പ്രസംഗിച്ചു. വൈകുന്നേരം 6.30ന്‌ നടന്ന സമാപനസമ്മേളനം ടി.കെ.ഹംസ എം.പി ഉദ്‌ഘാടനംചെയ്‌തു. കീഴാറ്റൂര്‍ ഗ്രാമപ്പഞ്ചായത്ത്‌ പ്രസിഡന്റ്‌ വി. ഹംസ, പെരിന്തല്‍മണ്ണ ബ്ലോക്ക്‌ പഞ്ചായത്ത്‌ വൈസ്‌പ്രസിഡന്റ്‌ പി. നാരായണനുണ്ണി, ജില്ലാപഞ്ചായത്തംഗം ഷെയ്‌ഖ്‌ മുഹമ്മദ്‌, മേലാറ്റൂര്‍ പദ്‌മനാഭന്‍, പാലക്കീഴ്‌ നാരായണന്‍, വി.കൃഷ്‌ണന്‍ നമ്പൂതിരി തുടങ്ങിയവര്‍ പ്രസംഗിച്ചു. രാത്രി 8.30ന്‌ കേരള കലാമണ്ഡലം അവതരിപ്പിച്ച ഓട്ടന്‍തുള്ളല്‍, ചാക്യാര്‍കൂത്ത്‌ തുടങ്ങിയ കലാപരിപാടികളും അരങ്ങേറി.
Subscribe to:
Post Comments (Atom)
1 comment:
പങ്കെടുക്കാന്‍ കഴിയാതെ പോയതില്‍ ഖേദിക്കുന്നു
ആശംസകള്‍
Post a Comment